GREQIA- Delin Beqiri, një 36-vjeçar shqiptar është arrestuar në Greqi, pas denoncimit të vajzës së partneres së tij, e cila ka rrëfyer se është përdhunuar nga ai. 36-vjeçari dyshohet se nga viti 2013 ka abuzuar me vajzën e mitur, tashmë 25-vjeçe, të partneres së tij 50-vjeçare, gjithashtu shqiptare. Mediat greke raportojnë se dhe partnerja e 36-vjeçarit është arrestuar, ndërsa ndaj saj është ngritur një dosje për shkelje të legjislacionit për armët.
Mësohet se ngjarja u raportua nga 25-vjeçarja tek një punonjës social. Sipas të njëjtave informacione, ajo dyshohet se ka pohuar se 36-vjeçari pasi ka filmuar aktet e pahijshme i ka kërcënuar se do t’i publikojë në internet. Pas kontrollit në pronë dhe në banesën e dy të arrestuarve u gjetën dhe u konfiskuan: 1505 gram kanabis, pistoletë, 4 thika, shuma prej 18 275 euro,3 peshore precize dhe 3 celularë të cilat u sekuestruan në cilëninë e provës materiale.
Më poshtë në foto Delin Beqiri:
