DURRËS- Një ngjarje e rëndë është regjistruar pak pas mesnate në qytetin e Durrësit ku mbeti viktimë 29-vjeçari, Ermir Dedja. I riu u ekzekutua me armë zjarri. Në vendngjarje ndodhet policia e cila ka rrethuar zonën.
Siç shihet edhe nga pamjet nga vendi i ngjarjes, plumat kanë thyer xhamat e ambientit ku ka ndodhur ekzekutimi. Ende nuk dihet se kush janë autorët ose shkaqet që sollën vrasjen e të riut.
Mësohet se viktima, Ermir Dedja ka qenë i përfshirë në një plagosje me armë zjarri në vitin 2017, i cili në atë kohë u vu në pranga si bashkëpunëtor i autorit në plagosje. 10 vjet më parë, në 2015, po ashtu ka qenë arrestuar si i dyshuar për shitjen e një sasie lënde narkotike dy shtetasve nga Hasi, qe do e trafikonin ne Kosovë.
