Një bombol gazi ka rrjedhur dhe më pas ka shpërthyer në katin e 5 të një pallati në qytetin e Pogradecit.
Ngjarja ka ndodhur pak minuta më parë në rrugën “Reshit Çollaku”, ndërsa në momentin e shpërthimit në banesë ishin 2 të moshuar, të cilët fatmirësisht nuk kanë marrë dëmtime.
Nga shpërthimi i fuqishëm dritarja e banesës në katin e 5 ka rënë në tokë duke rrezikuar jetë njerëzish, pasi kjo zonë është mjaft e frekuentuar në mëngjes pasi është edhe zonë tregtare.
Policia dhe zjarrfikësja shkuan në vendngjarje.
