Mbrëmjen e djeshme, teksa të gjithë banorët po argëtoheshin dhe po luanin, Einxhel Shkira është rrëzuar keq dhe ka vrarë krahun.
Në videot e publikuara në “Intagram”-in e “Big Brother VIP” duket qartë se si është rrëzuar moderatorja, e cila ka thënë: “Theva krahun”.
Ditën e sotme, “Vëllai i Madh” ka zbuluar se Einxhel ka marrë menjëherë ndihmën e nevojshme, por do t’i duhet të marrë trajtim më të specializuar.
BB VIP – Banorët janë njoftuar sot nga “Vëllai i Madh” se Einxhel Shkirës i duhet që t’i nënshtrohet një ekzaminimi për lëndimin e krahut. Si pasojë, doktorët kanë vendosur të bëjnë një ndërhyrje. Ata janë tronditur dhe janë ndier të shqetësuar për fatin e Einxhel.
Pas ndërhyrjes, moderatores së njohur i duhet të qëndrojë në spital për aq kohë që mjekët të vendosin.
Ajo do të jetë e shoqëruar edhe nga kamerat dhe e shoqëruar nga asistentët e produksionit.
