Sekretari i përgjithshëm i Ministrisë së Financave, Arlind Gjokutaj me drejtorin e çështjeve ligjore në këtë dikaster, Fatmir Hoxha dhe përmbaruesi privat Alban Ruli do të njihen ditën e sotme me masën e sigurisë.
Arlind Gjokutaj mungon në seancën e nisur prej orës 9:30 për shkak të problemeve shëndetësore. Ai është i shtruar prej dy ditësh në spital. Në seancë është paraqitur Fatmir Hoxhaj dhe Alban Ruli. Gjokutaj, Hoxha dhe Ruli u arrestuan të mërkurën me akuzën e shpërdorimit të detyrës.
Arrestimet vijnë pas hetimeve ndaj shtetasit Ilir Thana i cili akuzohet për mashtrim, ndërkohë hetimet kishin nisur edhe për zyrtarë të zyrës përmbarimore dhe Ministrisë së Financave të cilët me veprimet e bëra në kundërshtim me ligjin kanë shkaktuar një dëm ndaj buxhetit të shtetit që raportohet se kap shifrën e 1.2 milionë eurove.
