Reperi Fero ka rënë në prangat e policisë së Kosovës. Ai është kapur në një pikat kufitare në Kosovë, pas urdhërit të lëshuar nga Prokuroria.
Lajmin e ka konfirmuar vetë zëdhënësi i policisë për rajonin e Gjilanit, Ismet Hashani.
“Është arrestuar mbrëmë, ka qenë në kërkim për rast një rast “shkaktim i rrezikut të përgjithshëm”. Arrestimi është bë në një nga pikat kufitare në Kosovë. Me vendim të prokurorit është dërguar në mbajtje për 48 orë”, tha ai.
Fero akuzohet se më 29 dhjetor ka qëlluar me armë zjarri në një lagje të Gjilanit dhe më pas ëështë larguar nga vendngjarja. Fatmirësisht si pasojë e të shtënave nuk pati të lënduar, ndërkohë që prej asaj dit reperi u shpall në kërkim.
