VLORË- Një aksident i rëndë është regjistruar pak minuta më parë në fshatin Qishbardhë të Vlorës. Raportohet se në aksident janë përfshirë dy mjete. Mësohet se mjeti tip “Audi A3” ka humbur kontrollin dhe për pasojë është përplasur me një kamion.
Nga përplasja janë plagosur 3 persona ndër të cilët një është në gjendje të rëndë. Më tej bëhet me dije se ambulanca ka mbërritur në vendin e ngjarjes. Siç shihet edhe nga fotot e siguruara nga Dosja.al Audi ka marrë dëmtime. Gjithashtu në asfalt duken shenja gjaku. Ende nuk dihen shkaqet e humbjes së kontrollit të mjetit ndërsa pritet një njoftim zyrtar nga policia.
