Partia Demokratike do të marrë pjesë në zgjedhjet e 6 marsit me dy kandidatë për çdo bashki. Një përfaqëson PD e drejtuar nga Lulzim Basha dhe tjetri “fraksionin” e Sali Berishës, i cili është futur në koalicion me LSI dhe ka përzgjedhur kandidatët e vetë për 6 bashkitë.
Në Lushnje PD ka si kandidat Indrit Sefën, ndërsa Grupi i Rithemelimit Elton Banon.
Në redaksinë e newsbomb.al kanë mbërritur disa foto që tregojnë se deputeti i PD Saimir Korreshi mbështet dhe bën fushatë për kandidatin e Sali Berishës, Elton Bano. Sipas dërguesit, fotot janë shkrepur dje në Lushnje dhe Korreshi shihet krah Banos duke takuar banorë të qytetit.
Por pas një verifikimi të bërë nga ana jonë, del se foto e Korreshit me Elton Banon janë bërë 31 mars 2021 dhe nuk janë aktuale. Po ashtu, nga verifikimet e newsbomb.al ka dalë se dërguesi është një mbështetës i Sali Berishës dhe Grupit të Rithemelimit. Më poshtë dhe fotot që ai ka dërguar në redaksi.
Nuk është i qartë qëllimi se përse denoncuesi i ka dërguar këto foto për Korreshin dhe Banon, kur vetë është mbështetës i Sali Berishës dhe i Elton Banos./NB
