Me kërkesë autoriteteve Italiane, Prokuroria Durrës sekuestron pronat biznesmenit Gëzim Sallaku dhe familjarëve të tij nën akuzë për pastrim parash dhe veprimtari të tjera kriminale. Bëhet fjalë për apartamente, vila dhe tokë arë.
Sipërmarrësi me origjinë shqiptare Gëzim Sallaku, ish-pronar i Darfo Calcio me banim në një vilë në Sale Marasino, pronar i restoranteve dhe hoteleve në Valcamonica dhe në Liqenin Iseo, u dëbua në 2021-shin nga Italia.
Ai ka qenë i dënuar në Itali si i përfshirë në mashtrime, evazion fiskal, falimentim të rremë dhe posedim të armëve të zjarrit, etj.
Lista e pasurive të sekuestruara;
– Pasuri e paluajtshme e tipit apartament me sipërfaqe 48.8 m2 në emër të G.S dhe S.H.;
– Pasuri e paluajtshme e tipit apartament me sipërfaqe 330 m2, e regjistruar në emër të G.S. dhe S.H.;
– Pasuri e paluajtshme e llojit arë, me sipërfaqe 12,710 m2, blerë nga G.S.;
– Pasuri e paluajtshme e llojit arë, me sipërfaqe 7.890 m2, në emër të shtetasit A.L., blerë nga G.S;
– Pasuri e paluajtshme e deklaruar për legalizim në emër të shtetasit G.S, objekt 3-katësh, me sipërfaqe ndërtimi 140 m2, ndërtuar në truall 300 m2; dhe
– Pasuri e paluajtshme e deklaruar për legalizim, në emër të shtetasit S.S., objekti 2 kate, me sipërfaqe ndërtimi 140 m2, ndërtuar në një sipërfaqe trualli 500 m2.
