Elton Kila i njohur ndryshe edhe si “Oti i Elbasanit” dyshohet të ketë qenë shënjestër e atentatit të dështuar në Elbasan. Kjo është hera e katërt që dështojnë atentatet që kanë pasur për qëllim eliminimin e tij për llogari të grupeve kundërshtare.
Në lidhje me këtë ngjarje policia ka vënë në pranga Arben Spahiun, vëllai i Arjan Spahiut të ekzekutuar në Belgjikë i cili është kunati i Erion Alibeajt i arrestuar me urdhër të SPAK për porositjen e disa vrasjeve të ndodhura në Elbasan.
Në pranga është vënë edhe Arsen Preçi, banesa e të cilit ndodhet shumë pranë automjetit të braktisur ku gjetën disa armë, sipas Report Tv. Emri i tij doli së fundmi edhe në dëshminë e të penduarit të drejtësisë Henrik Hoxhaj i cili rrëfeu para hetuesve se bashkëpunëtori i tij Nuredin Dumani i kishte premtuar 70.000 euro për vrasjen e Kilës pasi i kishte dërguar foton e tij.
