Kim Kardashian bëri një paraqitje në tapetin e kuq në Los Angeles për hapjen e galasë së Lucas Museum of Narrative Art, duke veshur një fustan vintage Yves Saint Laurent të dizajnuar nga Tom Ford në 2004. Fustani i zi, i mbuluar me detaje shkëlqyese, kishte një prerje të hapur në pjesën e kraharorit dhe një siluetë të ngushtë që ndiqte linjat e trupit. Aksesorët përfshinin vathë diamanti nga Oscar Heyman dhe një unazë nga Zydo.
Për këtë paraqitje Kardashian bashkëpunoi për herë të parë me stilistin Law Roach, i cili zgjodhi krijimin arkivor dhe e prezantoi atë si “new client”. Modeli i flokëve ishte i mbledhur dhe i lëmuar pas, ndërsa grimi theksonte sytë dhe konturet e fytyrës.
Kardashian u shfaq në event së bashku me pilotin e Formula 1, Lewis Hamilton, i cili gjithashtu kishte zgjedhur një veshje nga Saint Laurent, duke krijuar një kombinim të koordinuar. Dyshja nuk pozoi bashkë në tapetin e kuq, por u fotografuan brenda eventit duke kaluar kohë së bashku dhe pozuar në mënyrë më intime; gjatë mbrëmjes ishin ndër çiftet më të fotografuara.
Gala u zhvillua më 19 shtator, një natë para hapjes zyrtare të muzeut për publikun, dhe mblodhi emra të njohur të Hollywood-it, artit dhe muzikës, përfshirë Oprah Winfrey, Leonardo DiCaprio, Robert De Niro, Al Pacino dhe Steven Spielberg. Lucas Museum of Narrative Art, themeluar nga George Lucas dhe Mellody Hobson, është një projekt që ka zgjatur rreth 17 vjet. Muzeu, i vendosur në Exposition Park të Los Angelesit, i kushtohet artit narrativ dhe përfshin ilustrime, komike, fotografi, piktura dhe elemente nga bota e filmit.
Muzeu do të hapë dyert për publikun më 22 shtator 2026, dhe koleksioni përfshin edhe objekte të lidhura me universin “Star Wars”, përfshirë figura të Princeshë Leia-s dhe Yoda-s. Në një mbrëmje me pjesëmarrjen e emrave të mëdhenj të showbiz-it, zgjedhja e Kardashian për të rikthyer një krijim ikonik të Tom Ford nga para 22 vjetësh u vu re menjëherë dhe u bë një nga momentet më të komentuar të galasë.
