Vlora ishte kryeqendra e festimeve ditën e sotme me rastin e 110-vjetorit të ngritjes së Flamurit nga Ismail Qemali.
Rrugët e qytetit bregdetar dhe sheshi historik sot më shumë “gumëzhinin” nga parakalimet e delegacioneve të Shqipërisë dhe Kosovës krahasuar me festën në vitet e kaluara.
Edhe kryeministri, paçka asaj që shfaqej nuk ishte i qetë.
Raportet me kryetarin e bashkisë Dritan Leli nuk janë aspak të mira, opozita nuk ishte dhe në krah të tij ishin Albin Kurti dhe Vjosa Osmani.
Marrëdhëniet kanë qenë të ftohta me liderët e Kosovës por sot për hir të festës duke se “akujt u shkrinë”. Megjithatë divergjencat mbeten të forta.
Për t’u rikthyer edhe njëherë te atmosfera, sot qyteti i flamurit pa më shumë truproja sesa njerëz që festonin në rrugë.
Sikur duket nga fotot e mëpotshme, delegacionet e Shqipërisë dhe Kosovës ishin të rrethuar në çdo hap nga garda dhe truprojat, që ishin të shumtë në numër. Një mbrojtje e tillë ekstreme vështirë të kuptohet.
