“Bijtë e Shqipes”, Lushnjë që trajnohen dhe drejtohen nga mjeshtri Lirim Dedej, janë kampion kombëtar për Vitin 2023 për fëmijët e grupmoshave 7-13 vjeç. Në aktivitetin e zhvilluar në Pallatin e Sportit, “Tomorr Sinani”, në Elbasan, djemtë e trajnerit Dedej në disiplinën e karatesë i kanë sfiduar të gjithë dhe në fund kanë triumfuar duke qenë ata më të mirët e trofeut, e natyrisht duke merituar edhe duartrokitjet e pareshtura të qindar të pranishmëve në këtë aktivitet.
Ky ekip tregoi dhe vërtetoi që është padyshim më i miri në rang kombëtar, por shfaqi nivel të lartë dhe profesionalizëm dhe kjo ka qenë edhe çelësi i suksesit, duke rënë në sy sidomos puna e mirë e trajnerit të apasionuar Lirim Dedej, që i stërvit dhe punon me mjaft pasion me këta fëmijë.
“Bijtë e Shqipes” arritën që të fitonin plot 23 medalje, prej të cilave 8 ari, 6 argjendi, 9 bronzi. Por, ajo që vlen të theksohet është se trajneri Lirim Dedej me ekipet që trajnon ka bërë jehonë edhe matanë kufijëve, duke fituar trofe të rëndësishëm. Kujtojmë që Lirim Dedej është kryetrajneri i ekipeve përfaqësuese të karatesë, si dhe pjesë e pandarë e kryesisë së Federatës Internacionale të Karatesë.
Me shoqatën e tij, “Bijtë e Shqipes”, ai ka dalë disa herë edhe fitues i Kupës së Republikës për të rritur, ndaj edhe jo më kot me rezultatet që ka arritur qëndron në majat e këtij sportyi, pa thënë se shumicën e sportistëve të tij i ka anëtarë në të gjithë ekipet kombëtare të moshave të ndryshme.
