Një aksident është regjistruar në lagjen 10 korriku në Vlorë mëngjesin e kësaj të enjteje.
Makina është përplasur me koshin e plehrave dhe me një pemë, e më pas është kthyer përmbys.
Drejtuesi i mjetit është dëmtuar dhe është dërguar me urgjencë në spital. Shkak i aksidentit mendohet të jetë shpejtësia në lëvizje.
Sipas informacioneve, dyshohet se drejtuesi ka humbur kontrollin e mjetit dhe është përplasur me pemën.
Në vendngjarje ka shkuar policia dhe grupi i posaçëm hetimor, që kanë nisur hetimet për shkakun e aksidentit.
