Dita e parë e testeve përpara Botërorit të Formula 1 në Bahrein u dominua nga Lando Norris, piloti i McLaren, i cili regjistroi kohën më të mirë prej 1 minute, 34 sekonda dhe 669 të mijtat. Ndërsa Max Verstappen përfundoi në vendin e dytë me 1 minutë, 34 sekonda e 798 të mijat pas 135 xhiros, Charles Leclerc i Ferrarit e zuri vendin e tretë me një kohë prej 1 minute, 35 sekonda e 190 të mijat në 79 xhiro.
Renditja vazhdoi me Esteban Ocon të Haas në vendin e katërt, ndjekur nga Oscar Piastri, gjithashtu nga McLaren, në të pestin. Lewis Hamilton i Ferrarit mbylli ditën me kohën e tij prej 1 minute, 36 sekonda e 433 të mijat, duke u renditur në vendin e shtatë pas George Russell të Mercedes në të gjashtin. Andrea Kimi Antonelli, i Mercedes, e mbylli testin me kohën më të dobët prej 11, pas vetëm 29 xhiros.
Interes ishte i madh për ekipet Audi dhe Cadillac; Audi arriti të renditet në vendin e nëntë me Hulkenberg dhe të 15 me Bortoleto, ndërsa Cadillac zuri vendin e 14 me Perez dhe të 16 me Bottas. Williams pati një ditë në zhvillim, pasi skuadra nuk mori pjesë në testet paraprake të Barcelonës, me Carlos Sainz që regjistroi kohën e 13 më të mirë dhe Alexander Albon u rendit i dhjeti.
Dita e testimeve ishte e rëndësishme gjithashtu për ekipet që nuk u paraqitën plotësisht, pasi Hadjar, Alonso, Lawson dhe Bearman nuk morën pjesë. Këto teste para Botërorit janë të rëndësishme për të gjitha skuadrat për të testuar performancën dhe për të bërë përgatitjet e nevojshme për sezonin që po vjen.
