Në ditën e dytë të testeve parasezonale në Bahrein, Mercedes u dallua përsëri, kësaj here me Andrea Kimi Antonelli, i cili regjistroi kohën më të mirë të ditës me 1 minutë, 32 sekonda e 803 të mijtat pas 79 xhirove. Antonelli shfaqi një performancë të shkëlqyer, duke konfirmuar potencialin e ekipit.
Pjesëmarrësit e tjerë gjithashtu patën paraqitje të forta. Oscar Pastri i McLaren zuri vendin e dytë, me vetëm 58 të mijtat më shumë se Antonelli, pas 86 xhirove, duke zëvendësuar Norris, i cili kishte kryer sesionin e paradites. Max Verstappen i Red Bull plotësoi grupin e tre të parëve, duke regjistruar kohën e tretë më të mirë, 539 të mijtat pas liderit, dhe duke kryer gjithsej 139 xhiro.
Lewis Hamilton u rendit në vendin e katërt, përkundër një problemi teknik që e pengoi në fillim të ditës. Britaniku e përmirësoi dy herë kohën e tij dhe mbylli testin me 606 të mijtat më shumë se Antonelli, duke lënë pas Lando Norris në vendin e pestë. Një performancë pozitive shfaqi edhe Colapinto me Alpine, i cili përfundoi i gjashti, ndërsa Nico Hulkenberg me Audi dhe George Russell me Mercedes zënë vendet e shtatë dhe të tetë përkatësisht.
Dhjetëshja më e mirë u përmbyll nga Esteban Ocon me Haas-Ferrari dhe Liam Lawson me Racing Bull. Këto teste po ofrojnë një pamje interesante për sezonin e ardhshëm, me shumë ekipet që po tregojnë përmirësime dhe konkurrencë të fortë. Ka mbetur për tu parë sesi këto rezultate do të reflektohen në garat e ardhshme.
