Mesditën e sotme kanë dalë përpara gjykatës së Durrësit tre fëmijët e arrestuar për vrasjen e babait të tyre në fshatin Shën Vlash.
Vajza, që në fillim mori përsipër krimin, Hygerta Meta ka deklaruar se “vëllai dhe nëna kanë mësuar vrasjen më vonë kur erdhën në banesë. Unë dhe Hyseni jemi marrë me fshehjen e armëve dhe të gjurmëve”.
Djali i vogël i familjes, Amarildo ka thënë se “e mora vesh kur erdha në shtëpi nga puna. Gjeta mamanë të shqetësuar.
Nëna më tha se kishin vrarë babanë. Aty nisëm të kryenim veprimet për të fshehur, u kërkova ndihmë shokëve për të larguar automjetin”.
Hygerta Meta bashkë me dy vëllezërit Hysen e Amaralido Meta pritet që të lihen në arrest me burg pa afat, sikur ka kërkuar prokuroria.
Vajza e familjes dhe djali i madh Hyseni akuzohen për vrasjen, kurse vëllai i vogël për bashkëpunim.
