FIFA bëri publike emrat e arbitrave për katër ndeshjet e para të Kupës së Botës, përfshirë sfidën inaugurale mes Meksikës dhe Afrikës së Jugut. Ndeshja hapëse është caktuar për brazilianin Wilton Sampaio, i cili do të ketë si asistentë bashkëkombësit Bruno Pires dhe Bruno Boschilia. Arbitër i katërt do të jetë Juan Benitez (Paraguai), në dhomën VAR do të jetë kolumbiani Nicolas Gallo, A-VAR Juan Lara (Kili), dhe mbështetje VAR Jerome Brisard (Francë).
Për ndeshjen Kore e Jugut – Republika Çeke, arbitër është emëruar Amin Mohamed (Egjipt), me asistentë Mahmoud Abouelregal dhe Ahmed Hossam Taha (Egjipt). Arbitër i katërt do të jetë Juan Calderon (Kosta Rika). Në sistemin VAR do të operojë Joe Dickerson (SHBA), A-VAR do të jetë Marco Di Bello (Itali).
Në përballjen Kanada – Bosnjë, arbitër kryesor do të jetë Facundo Tello (Argjentinë), me asistentë Gabriel Chade dhe Juan Belatti (Argjentinë). Arbitër i katërt është shënuar Alturais (Arabia Saudite). Në VAR do të jetë Hernan Mastrangelo (Argjentinë), A-VAR Garcia (Uruguai), dhe mbështetje VAR Guzman (Nikaragua).
Për ndeshjen Shtetet e Bashkuara – Paraguai, FIFA ka caktuar arbitër Danny Makkelie (Holandë), me asistentë Hessel Steegstra dhe Jan de Vries (Holandë). Arbitër i katërt për këtë përballje është Araki (Japoni). Në dhomën VAR do të qëndrojë Carlos Del Cerro Grande (Spanjë), A-VAR Rob Dieperink Higler (Holandë), dhe mbështetje VAR Almarri (Katar).
FIFA ka nisur zyrtarisht procesin e caktimit të arbitrave për ndeshjet e Botërorit dhe njofton se në ditët në vijim do të shpallen edhe ekipet e gjyqtarëve për sfidat e tjera të fazës së grupeve.
