Mbretëria e Bashkuar do të përballet së shpejti me një fenomen të pazakontë të quajtur “Shi i Kuq”, sipas ekspertëve të klimës nga Copernicus Atmosphere Monitoring Service. Një re pluhuri i kuq nga Sahara po lëviz drejt Evropës dhe pritet të arrijë mbi Britani, ku do të përzihet me reshjet e shiut. Ky kombinim do t’i japë një nuancë të kuqërremtë reshjeve, veçanërisht në jugun e Anglisë.
Mark Parrington, një shkencëtar i njohur, shpjegoi se pluhuri do të kalojë në lartësi të mëdha atmosferike dhe fenomeni pritet të zgjasë rreth dy orë gjatë pasdites. Megjithëse emri i fenomenit mund të tingëllojë shqetësues, ekspertët sigurojnë se “Shi i Kuq” nuk paraqet rrezik për shëndetin e qytetarëve. Pas përfundimit të reshjeve, pritet që të mbetet vetëm një shtresë e hollë pluhuri mbi makina dhe sipërfaqe të tjera të ekspozuara.
Fenomeni është rezultat i erërave të forta që ngritin pluhurin saharian lart në atmosferë. Nëse rrjedhat ajrore në shtresat e sipërme janë të drejtuara drejt veriut, grimcat mund të udhëtojnë mijëra kilometra dhe të arrijnë deri në Britani. Ndërkohë, shërbimi meteorologjik britanik parashikon se reshjet e shumta do të vazhdojnë deri në mes të marsit. Autoritetet kanë ripërsëritur se fenomeni është kryesisht estetik dhe nuk ka arsye për alarm nga ana e shëndetit publik.
