Departamenti i drejtësisë së Antwerp në Belgjikë pretendon se ka zbardhur krimin e regjistruar në vititn 1999 dhe si autor të dyshuar ka vënë në pranga një 51-vjeçar shqiptar.
Bëhet fjalë për vrasjen e shtetases rumune Iona B., e cila u gjet natën e 16 majit 1999 në Dries të Antwerp me rreth 20 plagë thike në trup, të cilat për pasojë i sollën dhe vdekjen.
Hetimi zbuloi se viktima ishte parë me tutorin e saj të dyshuar në një kafene aty pranë pak para vdekjes së saj. Dëshmitarët kishin parë një burrë duke ikur, që mësohet që gjatë gjithë këtyre viteve, ka qëndruar në Belgjikë me një identitet të rremë.
Mediat belge raportojnë se ai arriti të arratisej jashtë vendit dhe, megjithë hetimet e fuqishme në Evropë, nuk u kap dot. Rasti më pas u kthye në një rast të ftohtë.
Pas konsultimit midis zyrës së prokurorit publik të Antwerp dhe Policisë Gjyqësore Federale (FGP), hetimi u rihap dhe provat e ADN-së u ekzaminuan përsëri në vitin 2020. Tani doli se ishte e mundur të përcaktohej një profil i ADN-së në një dorezë që ishte lënë në vendin e ngjarjes.
Rap[ortohet se i dyshuari është shqiptari Arturo Vrenozi, i cili mësohet se është larguar nga Shqipëria në vitin 1993 dhe ka mbërritur në Itali në vitin 2002. Ai kishte përdorur një identitet të rremë për këtë. Në Itali ai u kontrollua disa herë nga policia, por nuk u arrestua.
Sipas Gazet van Antwerpen, ai u arrestua përfundimisht në Romë këtë pranverë, ndërsa u dërgua në Belgjikë më 5 prill. Një test krahasues i ADN-së tani ka vërtetuar një përputhje pozitive me ADN-në e të dyshuarit, çka solli dhe arrestimin e tij.
Vrenozi doli për herë të dytë përpara dhomës së këshillit të hënën, e cila ia zgjati sërish paraburgimin. Familja e viktimës tashmë është njoftuar për zhvillimet e reja.
