Pas një konflikti natën e djeshme në Bllok mes disa punonjësve të policisë që degradoi në përdorimin e armëve.
AMP ka referuar në Prokurori materialet proceduriale në gjendje të lirë në ngarkim të Rigers Iljazi, 33 vjeç, efektiv i FNSH, i dyshuar për ‘Kanosje” dhe Vladimir Laska, 44 vjeç, efektiv i Forcës së Posaçme Operacionale, i dyshuar për ‘Kanosje” e “Dëmtime të tjera me dashje” si dhe qytetari Marjus Iljazi, 33 vjeç, i dyshuar për “Kundërshtim i punonjësit të rendit publik” dhe “Dëmtime të tjera me dashje”.
Nga veprimet hetimore rezulton se punonjësi i policisë Vladimir Laska, jashtë shërbimit, është konfliktuar e përplasur fizikisht, për motive të dobëta, së pari Marjus Iljazi, në një dyqan në rrugën “Nikolla Tupe”. Më pas në debat është përfshirë dhe punonjësi tjetër i Policisë, Rigers Iljazi edhe ai jashtë shërbimit.
Me marrjen e njoftimit kanë mbërritur shërbimet e Policisë së Komisariatit Nr. 2 Tiranë dhe forcat “Shqiponja”, të cilat kanë shoqëruar palët deri në përfundim të veprimeve të para hetimore.
