Komisariati i Policisë së Beratit ka bërë disa ndryshime në postet e shefit të krimeve dhe atij të komisariatit. Bëhet me dije se Ledjon Ferzaj, i cili prej një viti e gjysmë ka qenë specialist krimesh, u emërua në postin e shefit të Krimeve Berat. Kryekomisari Altin Mena është emëruar Shef i Komisariatit Berat.
Emërimet e reja vijnë tre ditë pas largimit nga Policia e Shtetit për shkelje të rënda të 7 funksionarëve të lartë pas zbulimit të serës me kanabis, ku sot janë kryer edhe zëvendësimet e dy prej tyre.
Drejtoria e Përgjithshme e Policisë së Shtetit, ka urdhëruar delegimin e të gjitha kompetencave miratuese dhe urdhëruese të dy të emëruarve të rinj.
