Nëntë persona janë arrestuar nga policia në Tiranë, pasi akuzohen për vepra të ndryshme penale, ndërsa tre prej tyre ishin të shpallur në kërkim.
Në flagrancë u arrestua G. B., 18 vjeç, pasi gjatë kontrollit fizik nga shërbimet e Policisë, iu gjet dhe sekuestrua në cilësinë e provës materiale, një sasi lënde e dyshuar narkotike e llojit cannabis sativa.
Policia ndaloi edhe shtetasin I. D., i shpallur në kërkim për veprën penale “Ndihma për kalim të paligjshëm të kufijve”.
Për dhunë fizike dhe psikologjike ndaj prindërve u arrestua në flagrancë A. H., 22 vjeç.
Specialistët për Hetimin e Krimeve në Komisariatin e Policisë Nr. 6 bënë arrestimin në flagrancë të shtetasit A. M., 43 vjeç, për veprat penale “Veprime në kundërshtim me vendimin e Gjykatës” dhe “Dhuna në familje”, pasi në kundërshtim me vendimin Gjykatës, në prezencë të fëmijëve të mitur, ka ushtruar dhunë fizike dhe psikologjike ndaj bashkëshortes, e cila është e pajisur me urdhër mbrojtje.
Për drejtim mjeti në mënyrë të parregullt u arrestuan: – H. M., 56 vjeç, pasi u kap duke drejtuar në gjendje të dehur, motomjetin e tij; G. L., 47 vjeç, dhe G. Ll., 39 vjeç, pasi u kapën duke drejtuar mjetet e tyre përkatëse, në gjendje të dehur./ T.CH
