BULQIZË- Një aksident i rëndë rrugor ka ndodhur mesditën e sotme në Bulqizë. Konkretisht aksidenti ka ndodhur në vendin e quajtur “Antena”, në Qafë-Buall Bulqizë, ku një automjet tip “Nisan”, ka dalë nga rruga.
Si pasojë, kanë humbur jëtën dy persona dhe një tjetër ka mbetur i plagosur. Viktimat janë identifikuar si Destan Gjeta dhe Burhan Gjoka, ndërsa i plagosuri është transportuar në spital për ndihmë mjëkësore. Grupi hetimor ndodhet në vendngjarje dhe po punon për zbardhjen e rrethanave të aksidentit.
NJOFTIMI I POLICISË:
Rreth orës 14:15, në vendin e quajtur “Antena”, në Qafë-Buall Bulqizë, një automjet tip “Nisan”, ka dalë nga rruga.
Si pasojë e këtij aksidenti, kanë humbur jetën shtetasit B.Gj., dhe D.Gj, si dhe ka mbetur i dëmtuar dhe po transportohet në spital për ndihmë mjekësore shtetasi A.Gj.
Grupi hetimor ndodhet në vendngjarje dhe po punon për zbardhjen e rrethanave të këtij aksidenti.
