Trafiku në Elbasan ka shpërthyer në makth për qytetarët, sidomos të dielave pasdite, kur mijëra automjete kthehen nga fundjavat drejt Tiranës dhe Durrësit. Për të kaluar një distancë prej 6-7 kilometrash në unazën e qytetit, shoferët shpeshherë shpenzojnë deri në dy orë, për shkak të traffikut të rënduar dhe menaxhimit të dobët.
Situata bëhet më e vështirë nga sjelljet e papërgjegjshme të disa drejtuesve, të cilët, në përpjekje për të fituar kohë, realizojnë parakalime të rrezikshme dhe bllokojnë rrugët dytësore. Këto veprime e bëjnë qarkullimin pothuajse të pamundur, duke kontribuar në kaosin e përgjithshëm.
Aksi nacional dhe rrugët lidhëse janë të bllokuara çdo fundjavë, duke nxjerrë në pah nevojën për ndërhyrje urgjente në infrastrukturë dhe zgjidhje strategjike për menaxhimin e trafikut. Situata kërkon një angazhim të menjëhershëm për të lehtësuar qarkullimin dhe për të parandaluar incidente të pafundme si pasojë e turbulencave në rrugë.
