Gjykata e Assizes të Svonës në Itali ka vendosur burg përjetë për Safayou Sow, shtetasin 27-vjeçar të Guinesë, i cili vrau ish-partneren e tij shqiptare, Danjela Neza më 6 maj 2023.
Sow është dënuar edhe për dëmshpërblim të nënës së viktimës me 318 mijë euro dhe vëllait të saj me 100 mijë. Gjithashtu, u vendos edhe izolimi për një vit.
Sow kishte mbërritur në Itali me një varkë dhe kishte gjetur punë si pjatalarës në restorantin ku punonte Neza. Mes të dyve lindi një lidhje, e cila më pas iu dha fund nga vajza. Si përgjigje, Sow i kishte kërkuar asaj të jepte dorëheqjen, e ndjekur nga takimi i fundit, tragjik, në kopshtet ngjitur me stacionin.
Danjela Neza u qëllua me plumb në kokë. Menjëherë më pas vetë Sow telefonoi në 112:“Kam vrarë një grua, ejani të më merrni”.
Para gjyqtarit ai më pas dha një histori të saktë: Të dy kishin bërë një takim të fundit, mundësia e fundit klasike për të sqaruar gjërat dhe ndoshta për t’u rikthyer bashkë.
Në vend të kësaj ata u grindën, kështu që ai mori një armë nga makina, e drejtoi në kokën e Danjelës dhe qëlloi. Më pas ai thirri 112, duke rrëfyer gjithçka.
