Benet Beci nga sot nuk është më kryetar bashkie në Shkodër pasi burime nga qeveria i thanë portalit Timoni.al se Beci ka dorëzuar dorëheqjen mbi tavolinë kryeministrit Rama. Nga dita në ditë pritet që Benet Beci ta jap dorëheqjen edhe publikisht.
Më datë 1 nëntor, kryetari i Bashkisë Shkodër, Benet Beci, u paraqit në SPAK teksa pas daljes gazetarët e pyetën nëse ka dhënë dorëheqjen e parevokueshme te kryeministri Edi Rama dhe përgjigjja ishte se për këtë do të fliste në momentin e duhur.
Becit ditën e premte në Prokurorinë e Posaçme i është komunikuar procedimi penal për veprën e korrupsionit, gjatë kohës që ka qenë në krye të Fondit Shqiptar i Zhvillimit të cilin e ka drejtuar që në kohën e qeverisë “Berisha” dhe në vazhdim në qeveritë “Rama”, deri sa u përfshi në politikë duke kandiduar dhe zgjedhur si kryebashkiak i socialistëve në qytetin e Shkodrës.
“Për këtë çështje do të flasë në momentin e duhur”, tha Beci.
Gjithashtu burimet bëjnë me dije se ditën e nesërme, Beci do të njoftojë zyrtarisht dorëheqjen e parevokushme. Gjithashtu shumë shpejt pritet edhe masa e SPAK ndaj Becit, e cila rrezikon deri në arrestim.
