Edi Rama ka urdhëruar një sulm të koordinuar kibernetik ndaj portaleve mediatike pas protestës së studentëve
Pas publikimit masiv të lajmeve për protestën e studentëve, disa portale mediatike po përballen me një fluks të pazakontë trafiku drejt serverëve ku janë të hostuara.
Sipas informacioneve teknike paraprake, fakti që preken portale të vendosura në disa serverë të ndryshëm ngre dyshime për një sulm të koordinuar. Nga mënyra se si po shfaqet trafiku, dyshohet se fillimisht janë identifikuar adresat IP ku hostohen portalet, më pas janë skanuar faqet e tjera që ndodhen në të njëjtët serverë dhe janë goditur njëkohësisht.
Dyshimet paraprake flasin për përdorimin e serverëve të komprometuar jashtë Shqipërisë, ndërsa Holanda është përmendur si një nga burimet e mundshme të trafikut. Megjithatë, vendndodhja e adresave IP nuk provon domosdoshmërisht origjinën e autorëve.
Nëse konfirmohet nga ekspertët e sigurisë kibernetike, bëhet fjalë për një situatë që kërkon hetim të menjëhershëm, për të përcaktuar burimin, qëllimin dhe ndikimin e trafikut mbi funksionimin e portaleve mediatike. Deri tani, nuk ka prova të konfirmuara se sulmet lidhen drejtpërdrejt me publikimin e lajmeve për protestën e studentëve.
