Apeli i GJKKO-së nuk i ka dhënë leje Fredi Belerit që të betohet si kryebashkiak i Himarës.
Kërkesa u shqyrtua këtë të hënë, ku trupi gjykues vendosi që të rrëzojë kërkesën e tij për t’u betuar përpara këshillit bashkiak. Pak ditë më parë, GJKKO la të pandryshuar masën arrest me burg ndaj tij.
Kujtojmë që Beleri ndodhet në burg që prej 12 majit të vitit 2023, vetëm 2 ditë para zgjedhjeve vendore të 14 majit, pasi akuzohet për shitblerje të votave.
