Një ngjarje e paprecedentë ka ndodhur në Arabinë Saudite duke bërë që shumë besimtarë myslimanë të shqetësuar, të citojnë vargje rreth ‘Ditës së Kiametit’.
Malet në dhe përreth qytetit të shenjtë të Mekës në Arabinë Saudite janë mbushur me gjelbërim pas disa javësh të reshjeve të dendura të shiut dhe përmbytjeve të muajit të kaluar.
Agjencia Saudite e Shtypit ndau edhe një video në Twitter të enjten që tregon efektin e reshjeve të tepërta.
Imazhet dhe videot e fenomenit të paprecedentë kanë qarkulluar në rrjetet sociale duke kapur në befasi shumë përdorues.
Disa e kanë lidhur gjelbërimin e papritur në Mekë me një transmetim të Profetit Muhamed (paqja qoftë mbi të) i cili thuhet të ketë thënë se: “Nuk do të vijë Ora e Fundit derisa toka e Arabisë të kthehet në livadhe dhe lumenj.”
Megjithatë, një përdorues ka paralajmëruar të mos arrihet në përfundime të parakohshme, duke theksuar se fenomeni është i përkohshëm dhe ka ndodhur edhe më parë.
Reshjet e rrëmbyeshme në vend pasuan një thirrje në nëntor të Princit të Kurorës që njerëzit të kryenin lutjen speciale për shi të njohur si istisqa.
