Një ngjarje e rëndë ka ndodhur në Itali, ku një 21 vjeçar shqiptar ka qëlluar me armë zjarri gruan e tij dhe më pas ka vrarë veten.
Sipas mediave vendase mësohet se ngjarja ka ndodhur ditën e djeshme ku Oltjon Sallaku, qëlloi me armë në gjoks bashkëshorten e tij, Lamia Elmari, 18-vjeçarja marokene, e cila është jashtë rrezikut për jetën, dhe më pas qëlloi veten me plumb në kokë, ku fatkeqësisht gjeti vdekjen e menjëhershme.
Tragjedia ndodhi mbrëmjen e djeshme në via Martin Luther King në Cassano delle Murge, pas një sherri mes çiftit.
Çifti ishin prindër të një vajze të vogle, dy vjeç, e cila në momentin e tragjedisë ndodhej me gjyshen. Sipas miqve të tij dhe personave që e njihni, Oltjoni punonte usta dhe ishte një djalë i qetë dhe i mirë.
Një mik tregon se e ka takuar pak para gjestit fatal dhe dukej i qetë.
Çfarë ndodhi kur ai hyri në shtëpi? Dhe pse ai që përshkruhet si një djalë i mirë kishte një armë? Ka ende shumë pyetje që duhet të marrin përgjigje. Puna e hetuesve vijon për të kuptuar se çfarë ka ndodhur.
