Dokumente të reja të publikuara nga Departamenti i Drejtësisë Amerikan zbulojnë mënyrën se si Jeffrey Epstein rekrutonte vajza të reja për rrjetin e tij. Në mes të informacionit, përmendet një vajzë shqiptare që jetonte në Nju Jork. Një email i datës 29 mars 2017, me titull “kandidatët kryesorë”, sugjeron disa vajza për punësim, me fokus në këtë shqiptare, e cila ishte e gatshme të kryente “të gjitha llojet e punës”, por kishte vështirësi për shkak të statusit të saj të dokumenteve.
Dokumenti tregon se Epstein-i kishte marrë një video të vajzës dhe kërkohej konfirmim për një takim. Mesazhi nënvizon se, ndonëse ka edhe vajza të tjera interesante, shqiptarja është e veçantë sepse ndodhet në Nju Jork. Një tjetër rast është ai i një vajze shqiptare me inicialet E.T., e cila në 2017 kishte aplikuar për një pozitë si asistente personale. Një mesazh i dërguar Epstein-it e informonte mbi moshën e vajzës, rreth 21-22 vjeçe, dhe pyeste nëse ajo duhej ftuar për një intervistë.
Dokumentet tregojnë se E.T. kishte dërguar CV-në, fotografi personale dhe një video prezantuese, por informatat mbi vendbanimin e saj ishin kontradiktore. Ajo kishte deklaruar se jetonte në Tiranë, ndërsa në një komunikim tjetër ishte përmendur se ndodhej në Paris. E reja pyeste nëse mungesa e një baze në SHBA do të ishte pengesë për punësim.
Përveç këtyre rasteve, referenca për Shqipërinë shfaqet edhe në disa email-e të tjera datuar nga vitet 2010 dhe 2013, ku shqiptarët përmenden në kontekste personale dhe joformale. Këto zbuluar ndihmojnë në kuptimin e dinamikave të rekrutimit dhe të rrjetit të gjërë të Epstein-it, duke hedhur dritë mbi ndërlidhjet ndërkombëtare të aktivitetit të tij të paligjshëm.
