Friedrich Merz, kandidati për kancelar i CDU-së, ka dështuar të sigurojë shumicën e nevojshme për të marrë postin e kancelarit në votimin e parë të Bundestagut.
Koalicioni i tij CDU/CSU/SPD nominalisht ka 328 vota në Bundestag, por ai mori vetëm 310 ; 18 më pak nga sa do të pritej të merrte dhe më e rëndësishmja, gjashtë më pak se shumica e nevojshme për ta konfirmuar atë si kancelarin e ardhshëm.
Pas këtij rezultati, seanca u ndërpre për t’u dhënë mundësi grupeve politike të konsultohen dhe të vendosin për hapat e mëtejshëm.
Votimi i parë ka lënë pas tensione dhe pasiguri, duke shtuar pyetje në lidhje me mundësitë e Merz për të arritur konsensusin dhe për të fituar mbështetje më të gjerë në parlament.
Grupet politike pritet të zhvillojnë konsultime për të përcaktuar se si do të vazhdojë procesi dhe nëse do të ketë një tjetër mundësi për Merz të sigurojë shumicën e kërkuar për të marrë detyrën e kancelarit.
