Të tjera detaje dalin në dritë për krimin horror në Shënavlash të Durrësit, ku u gjet i groposur në oborrin e banesës 49-vjeçari Pëllumb Meta. Paraprakisht dyshohet se kryefamiljari është vrarë me armë zjarri nga vajza e tij 19-vjeçare, Hygerta Meta.
Gazetari Leonidha Musai, referuar informacioneve të policisë, raporton se priten të tjera arrestime për ngjarjen e rëndë.
“Më konfirmojnë nga Policia e Durrësit se pritet nga momentin në moment të ketë edhe arrestime të tjera për këtë ngjarje. Bashkëpunëtorë të vajzës 19-vjeçare, e cila ka vrarë babain dhe më pas familjarët e kanë shpallur të zhdukur. Dyshohet se kanë bashkëpunuar si në vrasje dhe në fshehjen trupit. Dyshohet se të përfshirë janë gjithë familja, sipas informacioneve, që më vijnë nga Policia e Durrësit”, raporton gazetari.
Policia nga këqyrja e vendit të ngjarjes dhe informacioneve të siguruara, ka dyshime se janë të përfshirë edhe anëtarë të familjes Meta.
“Kanë zbuluar detaje të tjera në banesë dhe informacione të tjera, të cilat kanë të bëjmë se mund të ketë pasur një përleshje në banesë dhe dyshohet se mund të jenë përfshirë dhe dy djemtë e familjes Meta. Arma ishte pa leje, ishte e familjes”, raportoi gazetari.
