Këngëtarja shqiptare me famë botërore Dua Lipa ka ngritur një padi prej 15 milionë dollarësh ndaj Samsung, duke akuzuar kompaninë se ka përdorur imazhin e saj në kutitë e televizorëve pa miratim. Padia është depozituar në Gjykatën Federale të Kalifornisë dhe pretendon se kompania ka vendosur një fotografi të artistes në paketimet e disa modeleve televizioneve të shitura në të gjithë Shtetet e Bashkuara.
Në dokumentet gjyqësore thuhet se Samsung ka tentuar të përfitojë nga fama dhe imazhi i Dua Lipës për të promovuar produktet e saj. Padia përfshin akuza për shkelje të të drejtave të autorit, përdorim të paautorizuar të imazhit dhe shkelje të markës tregtare. Sipas ekipit ligjor të artistes, fotografia është realizuar gjatë performancës së Dua Lipës në festivalin Austin City Limits Music Festival në vitin 2024 dhe të drejtat e autorit mbi imazhin i zotëron vetë këngëtarja.
Dua Lipa mësoi për herë të parë për përdorimin e fotografisë në qershor të vitit 2025, pasi fansat nisën të postonin në rrjetet sociale foto të kutive të televizorëve, që disa i quanin “Dua Lipa TV Box”. Në padi përmenden edhe komente të përdoruesve në Instagram, ku disa shpreheshin se do ta blinin televizorin vetëm sepse në kuti ishte fotografia e artistes, duke pasur parasysh ndikimin e imazhit në vendimet e blerjes.
Avokatët e këngëtares pretendojnë se Samsung ka injoruar kërkesat e përsëritura për të ndaluar përdorimin e imazhit të saj. Padia shënjon si bazë paditëse pretendimin se kompania ka vepruar për të përfituar ekonomikisht nga përdorimi i imazhit të artiste pa marrë autorizimin e duhur dhe duke shkelur të drejtat ekskluzive të saj mbi fotografinë.
Në përshkrimin e çështjes në dokumentet e gjykatës paraqiten fakti i përdorimit të fotografisë në paketim, data kur fotografia u realizua dhe momenti kur artistja mori vesh për përdorimin e paautorizuar, si dhe reagimet e publikut që evidentuan praninë e imazhit në produktet e Samsung.
