Kryeministri Edi Rama komenton protestat kundër projektit të zhvillimit dhe ruajtjes së mjedisit duke i lidhur shprehjet e tij edhe me këngëtaren Dua Lipa: “Dua e do protestën, unë dua Duan”. Rama thotë se nuk e sheh si të domosdoshme zgjedhjen mes zhvillimit dhe konservimit, duke argumentuar se të dyja mund të bashkëjetojnë. Ai përmend reagimet ndaj protestave, angazhimin e qeverisë me protestuesit dhe një “pasqyrë inteligjente” që, sipas tij, do të publikojë dokumentet dhe të dhënat për projektin.
Në pjesë të intervistës, kur pyetet nëse kur dëgjohet Dua Lipa mund të thuhet se është “element propagande”, Rama përgjigjet: “Ajo është krenare për protestën, unë jam krenar për të. Është ideologji kur thua ose zhvillimi ose konservimi. Duas i pëlqen protesta, unë e dua shumë Duan. Ajo është këngëtare, nuk është Papa. Më pëlqen Papa, por s’jam dakord me çdo gjë që thotë Papa.”
Rama rikujton se dhjetë vjet më parë rreziqet për protestuesit ishin më të mëdha: “10 vjet më parë kishte më shumë gjasë që protestuesit të vriteshin në bulevard ku dalin çdo natë. Më është dashur të jetoj me humbjen e jetëve të personave që dolën në protestë me mua.” Ai shpjegon se vjen vetë nga pala e protestuesve dhe ka rrezikuar jetën për fjalën e lirë, duke shtuar se përherë i ka thënë vetes se protestuesit “kanë gjithmonë një arsye”.
Duke folur për dialogun midis palëve, Rama shprehet se nuk është gjithmonë e drejtë të mendohet se protestuesit kanë të drejtë dhe qeveria është në gabim, por shpreh optimizëm se konflikti do të zgjidhet: “Kjo sagë do përfundojë në mënyrë të shkëlqyer për të dyja kahët.” Ai thekson se, nëse shkenca vendos që një zonë nuk duhet prekur, kjo nuk është betejë personale dhe premton publikimin e të gjitha të dhënave: “Do të publikojmë çdo gjë që kemi dhe pasqyra do përfshijë çdo gjë të re.”
