Nuk ka qetësi. Vatra në Xibër të Klosit vijon që të jetë aktive. Të tjera lëkundje tërmeti janë shënuar në mesditë në qarkun e Dibrës.
Në orën 11:54 u regjistrua një goditje 3.4 ballë në Klos. Thellësia ka qenë 2 kilometra.
Pas tërmetit 4.7 Rihter të orës 22:35, përgjatë gjithë natës ka patur edhe mbi 100 pasgoditje por kanë qenë me intensitet më të ulët.
Rreth 30 banesa janë dëmtuar deri tani nga lëkundjet. Një pjesë e banorëve e kanë kaluar natën jashtë nga frika.
