Presidenti i Serbisë, Aleksandër Vuçiç ka pohuar edhe njëherë tjetër kundërshtinë e tij lidhur me draftin që propozoi Edi Rama për Asociacionin e komunave me shumicë serbe në veri të Kosovës.
Ai u shpreh se Edi Rama nuk është anëtar i Ekipit Menaxhues dhe kështu që nuk mund të bëjë draf-statut për Asociacionin.
“Me sa di unë, Edi Rama nuk është anëtar i Ekipit Menaxhues Serb. As kryeministri i Kosovës Albin Kurti, i cili duket se dëshiron të bëhet pjesë e atij ekipi, pasi edhe ai ka diçka të shkruar, por nuk ka të drejtë ta ketë të shkruar.
Nuk kemi çfarë të negociojmë këtu. Na jepni vetëm parimet dhe organet e Asociacionit siç janë negociuar dhe siç e kam inicializuar në vitin 2015 me (në atë kohë kryeministrin e Kosovës) Isa Mustafa.
Nuk kërkojmë asgjë më shumë. A e dini se kur do të jetë? Asnjëherë, sigurisht jo derisa Kurti është në pushtet” tha ai.
Kujtojmë se disa ditë më parë, kryeministri Rama deklaroi para gazetarëve se ka përgatitur një draft statut për Asociacionintë cilin ia kishte dërguar presidentit francez Macron dhe kancelarit gjerman, Scholz.
