Prokuroria e Posaçme kundër krimit dhe Korrupsionit (SPAK) ka regjistuar procedim penal ndaj ish-ministrit të Rindërtimit, Arben Ahmetajt, për dhënien me koncesion për inceneratorin e Elbasanit. Struktura antikorrupsion tha se është duke analizuar veprimet e Ahmetej për procedurën e koncesionit që është dhënë në kohën kur ai ka mbajtur detyrën e Ministrit të Ministrisë së Zhvillimit Ekonomik, Tregëtisë dhe Sipërmarrjes.
SPAK është duke mbledhur prova e të dhëna, edhe nga kompjuterat e sekuestruara dhe të e-maileve, që janë shkëmbyer mes ish zv kryeministrit dhe fituesve të koncesionarit. Hetuesit janë duke verifikuar të gjitha komunikimet që Ahmetaj ka kryer me personat nën hetim që fituan koncesionin. Gjithashtu SPAK po kryen veprime hetimore, ku janë duke u verifikuar me anë të sistemit TIMS, të hyrje daljeve.
Gjithashtu, po verifikohen edhe udhëtimet që Ahmetaj mund të ketë bërë me biznesmenë. Për inceneratorin e Elbasanit, dosja është ndarë në dy fraksione 277 dhe 277/1. Për çështjen e parë janë marrë të pandehur 12 persona, ku më 18 janar do zhvillohet dhe seanca paraprake, që do të vendoset nëse çështja do kalojë apo jo në gjykim.
Referuar njoftimit të SPAK, pas mbylljes së dosjes së inceneratorit të Elbasanit, thuhet që më datë 19.09.2022 ështe regjiatruar procedimi penal 277/1, ku sipas burimeve nga SPAK në këtë fraksion është duke u hetuar edhe Arben Ahmetaj. Përveç deputetit të Partisë Socialiste, SPAK është duke hetuar edhe për persona të tjerë për procedurën e dhënies me koncesion të inceneratorit të Elbasanit. Faxnews
