Këtë të premte po zhvillohet seanca gjyqësore ndaj demokratit, Ervin Salianji, lidhur me dosjen “Babalja”. Avokati i tij, Indrit Sefa ka kërkuar që trupa gjykuese të marrë në pyetje edhe kryeministrin Edi Rama, Taulant Ballën, Fatmir Xhafaj dhe Përparim Kullurin.
“Kërkojmë rrëzimin e vendimeve të ndërmjetme që nuk lejoi marrjen e dëshmive. Kërkojmë thirrjen e të gjithë dëshmitarëve, ku përfshihen: Edi Rama, Taulant Balla, Fatmir Xhafaj, Perparim Kulluri, Ardi Veliu, Erion Braçe, Eduard Shalsi”, deklaroi Sefa.
Po ashtu, ai kërkoi riçelje të shqyrtimit gjyqësor.
“Na u refuzua nga shkalla e parë, pyetja e një sërë dëshmitarësh të rëndësishëm”, shtoi ai.
Sipas tij Perparim Kulluri, Ardi Veliu për deshminë e tij , Andi Enesi, Sokol Xhani, duhet të dëshmojnë pasi kanë kryer veprime aktive.
