Suedia ka zbuluar skuadrën e plotë prej 26 lojtarësh për Botërorin 2026, duke shënuar pjesëmarrjen e saj të 14-të në histori. Më e suksesshmja e skuadrës skandinave mbetet finalja e vitit 1958, ku humbën ndaj Brazilit, ndërsa në 2018 arritën deri në çerekfinale. Trajneri Graham Potter publikoi emrat, ku spikasin sulmuesit e Premier League Viktor Gyökeres (Arsenal) dhe Alexander Isak (Liverpool); kapiten i ekipit është Victor Lindelöf, lojtari me 75 ndeshje kombëtare.
Kalimi në Botëror erdhi pas një serie dramatike: Suedia pati një fazë zhgënjyese kualifikuese në grupet e Evropës, ku përfundoi me vetëm 2 pikë, dhe trajneri Jon Dahl Tomasson u shkarkua, duke u zëvendësuar nga Graham Potter. Përmes UEFA Nations League, Suedia siguroi një biletë për playoff. Në gjysmëfinale të playoff-it, në një grup ku ishte edhe Shqipëria, suedezët mundën Ukrainën 1-3, me një tripletë nga Viktor Gyökeres, dhe më pas fituan ndaj Polonisë 3-2, ku përsëri Gyökeres shënoi golin vendimtar dy minuta para fundit të takimit, duke siguruar pjesëmarrjen në Botëror.
Suedia do të startojë Botërorin më 14 qershor në Monterrey, Meksikë, kundër Tunizisë. Më 20 qershor do të ndeshet me Holandën në Houston, dhe më 25 qershor në Dallas do të luajë ndaj Japonisë. Nga çdo grup do të kalojnë në fazën tjetër dy ekipet kryesuese dhe tetë ekipet më të mira të vendit të tretë.
Lista e plotë e lojtarëve:
Portierë: Viktor Johansson (Stoke City), Jacob Widell Zetterström (Derby County), Kristoffer Nordfeldt (AIK).
Mbrojtës: Victor Lindelöf (Aston Villa), Hjalmar Ekdal (Burnley), Isak Hien (Atalanta BC), Carl Starfelt (Celta de Vigo), Gabriel Gudmundsson (Leeds United), Daniel Svensson (Borussia Dortmund), Gustaf Lagerbielke (SC Braga), Elliot Stroud (Mjällby AIF), Emil Holm (Bologna), Eric Smith (FC St. Pauli).
Mesfushorë: Lucas Bergvall (Tottenham Hotspur), Yasin Ayari (Brighton & Hove Albion), Mattias Svanberg (VfL Wolfsburg), Jesper Karlström (Udinese), Besfort Zeneli (Royale Union Saint-Gilloise), Ken Sema (Pafos FC), Taha Ali (Malmö FF), Alexander Bernhardsson (Holstein Kiel).
Sulmues: Viktor Gyökeres (Arsenal), Alexander Isak (Liverpool), Anthony Elanga (Newcastle United), Gustaf Nilsson (Club Brugge), Benjamin Nygren (Celtic).
