Deputeti i video-skandalit erotik Ervin Salianji është i tmerruar dhe në panik nga reagimet e demokratëve.
Situata politike brenda PD duket se është akoma në ngërç pavarësisht zërave për tu ulur në tryezë.
I ftuar në “radari Informativ” në Abc të gazetares Juli Xhokaxhi, deputeti demokrat Ervin Salianji tha se palët duhet të nisin sa më parë negociatat, por më parë duhet ngritur një komision për përfaqësimin e të dyja palave.
Ai tha që secila nga palët duhet të bëjë tërheqjen e saj, duke thënë se PD zyrtare i kërkoi dorëheqjen Lulzim Bashës, akt që erdhi të hënë që lamë pas, tani është radha e “Foltores” që të tërhiqet.
“Në PD u kërkua nga ne dorëheqja e Bashës në raport me zgjedhjet dhe betejën e pabërë. Tani duhet të kemi dhe një tërheqje nga foltorja”, u shpreh Salianji.
Ai nuk i përballon reagimet e demokratëve, në rrjete sociale dhe drejtpërdrejt as që bëhet fjalë.
Salianji i cili është mësuar të shfaqet në takime më një grusht njerëzish edhe ata të fotografuar me kurriz, ikën dhe iu fshihet reagimeve dhe deklaratave të demokratëve, të cilët e shenjëstrojnë si të dështuar.
Me anë të një postimi në rrjete sociale, teksa ka qenë i ftuar në një emision televiziv, Salianji shkruan: “Një përgjigje, demokratët betejën e kanë me qeverinë, interesat e demokratëve mbi gjithçka”.
Pas këtij postimi kanë vërshuar komentet e demokratëve, pjesa më e madhe e të cilëve janë fshirë nga Salianji, në vend që të përballej me ta dhe t’u jepte përgjigje.
