“Pamfleti” ka zbuluar, se grupi kriminal me qendër në Durrës Fier e Vlorë, i goditur nga Anti-mafia Italiane, EUROJUST e SPAK me operacionin “Ura”, ka lidhje brenda parlamentit, nëpërmjet një deputeti të PS…
Deputeti i PS në Durrës, Arkend Balla, është i ri-zgjedhur me më shumë vota më 11 maj, që sipas akuzave të PD, ia ka siguruar anëtari i bandës “Troplini”, Ervis Doçi, i njohur si “Visi i Pojës”.
Me këtë grup kriminal, deputeti socialist Arkend Balla, ka lidhje si ish-drejtor menaxhimi i kompanisë “Nistal Sh,p.k” pjesë e grupit të kompanive të vëllëzërve “Danaj” në Vlorë, sekuestruar nga SPAK, për trafik droge e pastrim ndërkombëtar parash me Troplinët e Durrësit.
Deputeti Arkend Balla, është shumë i afërt me vëllezërit Nexhmedin, Sadrit e Vexhi Danaj të Vlorës, por pjesë e stafit të kompanisë “Nisatel Sh.p.k” e kompanive të tjera të tyre, ai u bë në datën 5 qershor 2021, me detyrën drejtor menaxhimi.
Në këtë detyrë, ai qëndroi deri më 5 gusht 2023, kur sipas listës së kandidatëve të PS për Qarkun e Durrësit, mori mandatin e ish-deputetit Rrahman Rraja të Niklës, të cilin, Babloku e detyroi të jepte dorëheqjen për shkak të lidhjeve të familjarëve me krimin e organizuar.
Vëllezëit Danaj, kishin rol kyç në grupin “Troplini”, si transportues dhe pastrues të parave të trafikut të kokainës, nëpërmjet kompanisë së tyre “General Trading LLC” me qendër në Dubai.
Ndërsa në datën 1 mars 2023, Algerta Fejzulla (Danaj), gruaja e Nexhmedin Danajt, që ishte Drejtoreshë e Përmbarimit Shtetëror në Vlorë, emëruar pas ardhjes së PS në pushtet, krijoi kompaninë “DUBAI IM ”, me të cilën tranferonte dhe maskonte të ardhurat nga trafiku i drogës.
Punëdhenës i deputetit, Arkend Balla, ishte miku i tij, Sadrit Danaj, ish-Kryetar i Qarkut-Vlorë në periudhën qershor 2014-prill 2017, i shkarkuar nga Babloku, pas daljes së skedës së drejtësisë italiane, si trafikant droge dhe i arrestuar për rrëmbimin e vajzës së një biznesmeni në Siçili.
Por lidhja me deputetin e PS, Arkend Balla, kishte si bazë, favoret që u bënte për punët e pista të trafikut të drogës, kontrabandës e transferimit të çantave nëpërmjet Portit të Durrësit./Pamfleti
