Gazment Bardhi duke replikuar ashpër me deputetin socialist Toni Gogu në seancën plenare të sotme, ka lëshuar një denoncim të bujshëm. Gazment Bardhi duke folur për luftën e egër që ka plasur brenda klaneve në PS, deklaroi se Erion Veliaj dhe Belinda Balliku kanë paguar vrasës me pagesë për të vrarë njëri-tjetrin. Ai u shpreh se PD e bën publikisht një luftë të tillë dhe nuk është si mazhoranca e cila bën show me foto dhe privatisht shprehen ndryshe për njëri-tjetrin siç flet Spiropali për Belina Ballukun dhe anasjelltas.
Pjesë nga diskutimi:
Gogu: Unë nuk e mbaj veten për shenjtor. Mund të jem edhe më i madhi i të gjithë mëkatarëve, ndaj besoj në zot. Nëse ju e përdorni fjalën vjedhje siç i tha gazi flamurit apo siç i thatë njëri tjetrin, ju them se është fyerje dhe vepër penale. Nuk mund të bëhemi prokuror të njeri tjetrit. Ndërsa drejtoni një gisht, tre ju janë drejtuar ju. Niseni këtë fushatë një herë në partinë tuaj, e pasi të fitoni bëtejën me hajdutërinë brenda jush, vijojeni në pjesën tjetër të këtij Kuvendi.
Keni humbur çdo kauzë politike dhe tani kërkoni vetëm show.
Bardhi: Nuk bëhesh dot Shën Pal sa kohë je bashkëpunëtori i lali inceneratorit.
Ne si parti jemi të hapura dhe i bëjmë në publik luftën ndaj hajdutërisë, nuk jemi si Belinda Balluku dhe Veliaj që paguajnë edhe vrasës me pagesë të eliminojnë njëri-tjetrin. Mos e mbro Belindën se e di sa e do. Di çfarë thoni privatisht për njëra-tjetrën. Pra paguajnë vrasës me pagesë të eliminojnë njëri tjetrin. Dhe në foto dalin si vëlla e motër.
