Ka dalë jashtë kontrollit vatra e zjarrit në pyllin me pisha e dushk në fshatin Peshtan të Fierit.
Flakët të favorizuara edhe nga era kanë kaluar në anën tjetër të rrugës për t’u përhapur drejt zonës së pyllëzuar në Kraps.
Mjetet zjarrfikëse janë shpërndarë në një perimetër më të gjerë për shkak të situatës së vështirë, teksa tentojnë të izolojnë dhe shuajnë zjarrin.
Rreth 25 hektarë sipërfaqe me pisha, dushk, shkurre dhe ullishte janë shkrumbuar si pasojë e zjarrit tre ditor në zonën e Peshtanit në Fier.
