Ambasada e SHBA-së në Tiranë fton të gjithë qytetarët që kanë informacion në lidhje me trafikun e drogës ose pastrimin e të ardhurave të denoncojnë në numrin e posaçëm që ka hapur DEA amerikane për vendin tonë. Selia diplomatike amerikane garanton qytetarët se të dhënat e denoncuesit do të mbahen të fshehta.
“Agjencia e SHBA Kundër Narkotikëve njofton një linjë të re sinjalizimi për Shqipërinë. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në: +1 571 502-7846 ose me email në: [email protected].
Të gjitha të dhënat do të mbahen të fshehta. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët” shkruan ambasada. Sinjali është i qartë për trafikantët dhe politikanët e lidhur me krimin.
