Shkroi Soni Salihi
Ish-ylli i futbollit brazilian, Dani Alves do të dalë në gjyq të hënën në Barcelonë për përdhunimin e dyshuar të një gruaje në një klub nate , me prokurorët që kërkojnë një dënim me nëntë vjet burg.
Gjyqi i profilit të lartë është planifikuar të fillojë në 09:00, në qytetin ku ish-lojtari i Barcelonës dhe Paris Saint-Germain ka qenë në burg që nga arrestimi i tij në janar 2023.
Një grua e re e akuzon Alves se e ka përdhunuar në një banjë të zonës VIP të klubit luksoz të natës Sutton në Barcelonë në orët e para të 31 dhjetorit 2022.
Alves ka thënë se kishte kryer marrdhënie me akuzuesin e tij pasi fillimisht mohoi se e njihte gruan gjatë një interviste televizive. Prokurorët publikë kanë kërkuar që Alves të marrë një dënim prej nëntë vjetësh dhe t’i paguajë viktimës së tij të supozuar 150,000 euro si kompensim.
Duke qenë se gjykata refuzoi kërkesën e prokurorisë që gjykimi të zhvillohet me dyer të mbyllura, mediat do të mund të ndjekin procedimin, përveç rastit kur akuzuesi i Alves do të mbajë qëndrim. Identiteti i saj nuk do të zbulohet dhe nuk do të duhet “të ballafaqohet vizualisht me të akuzuarin”.
Sipas prokurorisë, Alves e dinte mirë vendodhjen e lokalit të natës dhe ishte aty atë natë me një shok. Ai ishte me pushime në Barcelonë në atë kohë pasi luajti për Brazilin në Kupën e Botës në Katar.
