Lajme shqetësuese arrijnë nga Arabia Saudite lidhur me gjendjen fizike të Cristiano Ronaldos, i cili pësoi një dëmtim gjatë ndeshjes së së shtunës në kampionatin saudit. Pas ekzaminimeve mjekësore, rezultoi se dëmtimi është më i rëndë se sa u supozua fillimisht.
Klubi Al Nassr, ku luan Ronaldo, njoftoi se 41-vjeçari ka pësuar një dëmtim muskular gjatë përballjes me Al Fayha. Ai ka filluar procesin e rehabilitimit, dhe gjendja e tij do të monitorohet çdo ditë. Megjithatë, informacione të detajuara mbi vendndodhjen e saktë të dëmtimit dhe periudhën e rikuperimit nuk janë bërë publike nga klubi.
Ronaldo ka histori me probleme kronike në tendinën e gjurit të majtë, por detajet e reja mbi këtë incident mbeten të paqartë. Kjo situatë krijon shqetësim për tifozët dhe për ekipin, që tashmë po përballet me sfida të tjera në kampionat.
Ndërkohë, një rikuperim i shpejtë për Ronaldon do të ishte thelbësor për Al Nassr, sidomos duke pasur parasysh rëndësinë e tij në fushë. Klubi do të vazhdojë të ofrojë informacione për gjendjen e tij, ndërsa tifozët shpresojnë për një rikthim sa më të shpejtë.
