Çmimi Nobel për ekonomi i këtij viti është ndarë për tre studiues, Joel Mokyr, Philippe Aghion dhe Peter Howitt, për kontributet e tyre në fushën e rritjes ekonomike të nxitur nga inovacioni. Hans Ellegren, sekretari i përgjithshëm i Akademisë Mbretërore Suedeze të Shkencave, shprehu se çmimi ka të bëjë me “krijimin dhe shkatërrimin”.
Mokyr ka marrë gjysmën e çmimit për identifikimin e parakushteve që çojnë në rritje të qëndrueshme përmes përparimit teknologjik. Ai është një historian ekonomik, i lindur në Holandë dhe aktualisht është profesor në Universitetin Northwestern në Çikago.
Gjyshja tjetër e çmimit është ndarë mes Aghion dhe Howitt, të cilët janë njohur për teorinë e rritjes së qëndrueshme përmes konceptit të “shkatërrimit krijues”, i cili përshkruan procesin ku inovacionet e reja shpesh zëvendësojnë teknologjitë dhe produktet e vjetra. Aghion është profesor në Collège de France dhe ka zhvilluar karrierë në institucione të njohura si INSEAD dhe Shkolla e Ekonomisë e Londrës. Ai është i njohur për punën e tij mbi ndikimin e inovacionit në rritjen ekonomike.
Peter Howitt, një ekonomist kanadez, i specializuar në makroekonomi dhe ekonomi monetare, ka kontribuar në formimin e teorisë moderne “Schumpeteriane” për rritjen ekonomike, që thekson rëndësinë e inovacionit dhe konkurrencës.
Këta tre studiues kanë ndihmuar në krijimin e një kuptimi të thellë të procesosve ekonomike dhe si inovacioni mund të udhëheqë zhvillimin në ekonomi, duke ofruar mënyra për të arritur rritje të qëndrueshme dhe për të kapërcyer sfidat e ndryshimeve teknologjike dhe industriale.
Njëherazi, ky çmim nënvizon rëndësinë e inovacionit si motor kryesor të rritjes ekonomike, duke pasqyruar një trajektore të re në fushën e ekonomisë moderne.
