Kryetari i Partisë Republikane, Fatmir Medi deklaron se njeriu më i afërt i presidentit amerikan Donald Trump, Chris LaCivita, nuk ka ardhur për të bërë karshillëk apo për të bërë afera.
Sipas Mediut, LaCivita është një nga 3 personat më të afërt të Trump dhe ardhja e tij në Tiranë, nuk ka kaluar pa u certifikuar nga Departamenti amerikan i Shtetit.
“Të thuash që një nga 3 njerëzit më të afërt të presidentit Trump vjen këtu për t’i bërë karshillëk apo për të bërë afera etj, është pak naive po ta besosh por dhe e ligë nëse e bën me qëllim.
Kam bindjen që, kur vjen një autoritet i tillë, që është në rrethin e ngushtë, kur vjen lëviz e kontakton, ka një çertifikim që vjen dhe përmes Departamentit të Shtetit.
Kaq sa di unë me injorancën time duke u marrë nja 25 vjet dhe duke folur anglisht jo shqip me ata që kam takuar.
Ndodh shpesh këtu që një foto me një përfaqësues ambasade ka më shumë vlerë, sesa të takosh qoftë një përfaqësues të lartë të administratës amerikane apo dhe vetë Trump”, tha Mediu.
